1. Kushti i parë i namazit – Islami

Autor: Imam Muhammed bin Abdil-Vehab (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Burimi: esh-Sherh el-Mumtaz, fq. 62-63

Përktheu: Valdet Gashi

www.perlatmuslimane.com

Shejkh-ul-Islam dhe Imam Muhammed bin Abdil-Vehab (rahimehullah) ka thënë:

Namazi ka nëntë kushte. I pari është Islami.

Shpjegimi

Autori Shejkh-ul-Islam Muhammed Ibn Abdil-Vehab rahimehullah ka thënë se namazi ka nëntë kushte. Kjo është e njohur gjerësisht tek dijetarët. Ata ua mësuan atyre së bashku me librin “el-Usul eth-Thalathah”. Ata uleshin në xhami dhe i mësonin njerëzit këto kushte në mënyrë që ata të mund të mësonin bazat e fesë së tyre dhe mënyrën e faljes së namazit, shtyllat dhe detyrat. Kjo është diçka që çdo musliman duhet ta di.

Një kusht është një faktor që duhet të egziston. Nëse ky kusht nuk egziston, as vepra e tij nuk egziston. Por vetëm për shkak se një kusht egziston nuk do të thotë se edhe veprimi egziston, por nëse kushti nuk ekziston, kështu që as vepra nuk egziston. Pra që një kusht të jetë plotësuar nuk do të thotë se edhe vepra është plotësuar derisa gjitha kushtet e tjera të jenë plotësuar së bashku me veprat. Këto kushte duhet të plotësohen në namaz. Kur të jenë plotësuar kushtet, namazi është i vlefshëm.

Kushti i parë është Islami. Namazliu duhet të jetë musliman nga koha kur ai fillon të falet derisa të mbaroj namazin. Nëse ai fillon namazin duke qenë jomusliman, atëherë namazi i tij është i pavlefshëm. Allahu (xhele ue ala) ka thënë:

مَا كَانَ لِلْمُشْرِكِينَ أَن يَعْمُرُواْ مَسَاجِدَ الله شَاهِدِينَ عَلَى أَنفُسِهِمْ بِالْكُفْرِ أُوْلَئِكَ حَبِطَتْ أَعْمَالُهُمْ وَفِي النَّارِ هُمْ خَالِدُونَ

”Nuk është e drejtë e idhujtarëve të kujdesen për xhamitë e Allahut, duke qenë se vetë dëshmojnë për veten e tyre se janë mohues. Të tillëve u shkuan kot veprat e tyre dhe ata janë përgjithmonë në zjarr.” 1

وَلَوْ أَشْرَكُواْ لَحَبِطَ عَنْهُم مَّا كَانُواْ يَعْمَلُونَ

“Por sikur ata të kishin bashkuar të tjerë në adhurimin e Allahut, gjithçka që ata kanë punuar do të kishte qenë pa asnjë vlerë për ta.” 2

وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ

”E kush mohon besimin, ai ka asgjësuar veprën e vet dhe ai në botën tjetër është prej të shkatërruarve.” 3

وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاء مَّنثُورًا

”E Ne i kthehemi ndonjë vepre që e bënë ata dhe e bëjmë atë hi e pluhur.”4

Namazi i gjithë njerëzve jomusliman është i pavlefshëm. Nëse një person falet para se ai të hyj në Islam, namazi i tij nuk është i vlefshëm derisa ai të hyj në Islam.

---

1 Teube 9:17

2 En-Aam 6:88

3 El-Maideh 5:5

4 El-Furkan 25:23