Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
A janë shpirtrat të krijuara pasi që nuk kanë ekzistuar, apo janë ata të përjetshëm?
Alameh Ibnul Kajimi ka thënë:
“Në këtë çështje, bota ka bërë gabime dhe grupe kanë devijuar, ndërsa Allahu i ka udhëzuar pasuesit e të dërguarit (salAllahu alejhi ue selem) në të vërtetën e qartë. Të dërguarit (salAllahu alejhim ue selem) janë të bashkuar se shpirti është krijuar, kontrolluar dhe i rregulluar. Kjo është e njohur në përgjithësi në Islam, dhe se bota është e krijuar, trupat do të ringjallen dhe se vetëm Allahu është Krijuesi, ndërsa çdo gjë tjetër është krijuar. Pastaj u shfaqen mospërputhje. Disa me të kuptuar të mangët rreth Kuranit dhe Sunnetit pretenduan se shpirti është i përjetshëm dhe nuk është i krijuar për shkak se ajo i përket urdhrit të Allahut, dhe urdhri i Allahut nuk është i krijuar dhe se Ai asocijoi shpirtin me veten e Tij sikurse Ai e bëri atë me dijen e Tij, jetën e Tij dhe aftësinë e Tij. Të tjerët nuk u deklaruan dhe thanë se as nuk do të thonë se ai është i krijuar ose i përjetshëm.
Kur Ibn Mendeh u pyet në lidhje me se a janë shpirtrat të krijuar apo jo, ai u përgjigj:
“Të gjithë shpirtrat janë të krijuar. Ky është mendimi Ehl-us-Sunnetit dhe Xhematit. Dëshmia e tyre janë fjalët e profetit (salAllahu alejhi ue selem):
“Shpirtrat janë ushtarë të rekrutuar. Ata bashkohen rreth asaj që e kanë të përbashkët.”
Ushtarë të rekrutuar nuk janë asgjë tjetër veçse të krijuar.
Disa prej tyre thanë se shpirtrat i përkasin urdhrit të Allahut dhe se Allahu e ka fshehur realitetin e shpirtrave dhe dijen prej krijesave. Dëshmia e tyre janë fjalët e Allahut:
وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي
“Të pyesin ty për shpirtin; Thuaj: “Shpirti është çështje që i përket vetëm Zotit tim.”1
Të tjerë thonë se shpirtrat janë një nga dritat dhe jetët e Allahut. Dëshmia e tyre janë fjalët e profetit (salAllahu alejhi ue selem):
“Allahu krijoi krijesat e Tij në errësirë dhe hodhi dritën e Tij mbi to.”
Muhammed bin Nasr Meruezi ka thënë:
“Një grup i heretikëve dhe Rafidave e interpretuan shpirtin e Ademit sikurse nasarat (të krishterët) e interpretuan shpirtin e Isait, dhe të tjerët të cilët thanë se shpirti u aneksua nga qenia e Allahut dhe u mishërua në besimtarin. Një grup i heretikëve dhe Rafidave thanë: “Shpirti i Ademit nuk është i krijuar.” Me këtë mendim e interpretuan fjalën e Allahut (te ala):
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُواْ لَهُ سَاجِدِينَ
“E kur ta përsosë atë (në formën e njeriut) dhe t’i japë atij shpirtin që është krijesë Imja, atëherë ju bini atij në sexhde.”2
ثُمَّ سَوَّاهُ وَنَفَخَ فِيهِ مِن رُّوحِهِ
“Pastaj, Ai e formësoi atë (në barkun e nënës) dhe i fryu atij shpirtin (e krijuar për atë njeri).”3
Pas një teksti të gjatë, ai tha:
“Nuk ka asnjë mospajtim mes muslimanëve në lidhje me shpirtrat e Ademit, dhe bijve të tij, Isait dhe të gjithë të tjerëve, se ata janë të krijuar nga Allahu. Allahu i ka krijuar ata.”
Shejkhul Islam Ibnu Tejmijeh ka thënë:
“Shpirti i njeriut është krijuar dhe formuar, sipas mendimit unanim të Selefëve të umetit, imamëve dhe pjesës tjetër e Ehl-us-Sunnetit. Disa imamë muslimanë, duke përfshirë Muhammed bin Nasr Meruezin dhe Ibn Kutejbek kanë deklaruar konsensusin e dijetarëve se shpirti është i krijuar.”
1 17:85
2 15:29
3 32:9