Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
El-Meruazi ka thënë se imam Ahmedi -rahimehullah- ka thënë: “Dënimi në varr është i vërtetë dhe kjo mohohet vetëm nga një i devijuar që devijon të tjerët.”
Hanbeli ka thënë: “E pyeta Ebu Abdilahin [Ahmed bin Hanbelin] në lidhje me dënimin në varr.
Ahmedi -rahimehullah- tha: “Këto hadithe janë autentike dhe ne besojmë në to dhe i pranojnë ato. Ne pohojmë çdo gjë që është transmetuar nga profeti ﷺ përmes zinxhirëve të mirë. Nëse ne nuk e pohojmë atë që ka ardhur nga i dërguari ﷺ dhe zgjedhim refuzimin e saj dhe e hedhim poshtë atë, atëherë ne refuzojmë urdhrin e Allahut:
“Çfarëdo që t’ju japë i dërguari, merreni atë.” El-Hashr, 59:7
Unë i thashë: “A është dënimi në varr i vërtetë?”
Ahmedi -rahimehullah- tha: “Dënimi në varr është i vërtetë. Ata do të ndëshkohen në varret e tyre.”
Hanbeli ka treguar se e ka dëgjuar Ahmedin duke thënë: “Ne besojmë në dënimin e varrit, në Munkerin dhe Nekirin dhe robi pyetet në varr:
“Allahu i forcon besimtarët me fjalë të qëndrueshme në këtë botë dhe në botën tjetër.” Ibrahim, 14:27
Jeta tjetër është në varr.”
Ahmed bin El-Kasim ka thënë: “I thashë: “O Ebu Abdilah, a pohojmë Munkerin dhe Nekirin dhe atë që është transmetuar në lidhje me dënimin në varr?”
Ai u përgjigj: “Subhan Allah! Po, e pohojmë atë dhe besojmë në të.”
Alameh Ibnul Kajimi -rahimehullah- ka thënë: “Duhet ditur se dënimi i varrit është dënimi në Berzah. Secili që vdes dhe meriton të dënohet do të dënohet pavarësisht nëse është varrosur apo jo. Nëse trupi i tij është ngrënë nga kafshët e egra, nëse është djegur dhe është bërë hi dhe është shpërndarë në erë, është gozhduar në kryq ose është mbytur në det, dënimi do ta godas trupin dhe shpirtin e tij sikurse i godet ata në varre.”