Autor: Shejkhul Islam Ibnu Tejmijeh (v. 728)
Shpjegues i librit: Imam Abdul-Aziz bin Abdil-lah bin Baz (v. 1420)
Burimi: Sherh el-Akidah el-Uasitijeh, fq. 23-24
Përktheu: Valdet Gashi
www.perlatmuslimane.com
Kjo është rruga e drejtë për të cilën Allahu (tebareke ue te ala) ka thënë:
اهدِنَا الصِّرَاطَ المُستَقِيمَ
“Përforcona (drejtona) në rrugën e drejtë.” 1
وَمَن يُطِعِ اللّهَ وَالرَّسُولَ فَأُوْلَئِكَ مَعَ الَّذِينَ أَنْعَمَ اللّهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاء وَالصَّالِحِينَ وَحَسُنَ أُولَئِكَ رَفِيقًا
“E kush i bindet Allahut dhe të dërguarit, ai do të jetë së bashku me ata që Allahu u ka dhënë shumë dhunti: me profet, besnikët e dalluar, dëshmorët dhe me të mirët. Sa shoqërim i mirë janë ata!” 2
Rruga e tyre është të besosh në Allahun, në emrat e Tij dhe në cilësitë e Tij, të lartësohet nga shëmbëlltyra me krijesat, të përshkruhet Ai me cilësitë e përsosura, të kryhen urdhrat e Tij, të përmbajturit nga ndalesat e Tij dhe të përmbajturit kufijve të Tij. Kjo është rruga e drejtë. Allahu bashkon mes pohimit të detajuar dhe mohimit të përgjithshëm. Ai (te ala) ka thënë:
قُلْ هُوَ اللَّهُ أَحَدٌ اللَّهُ الصَّمَدُ لَمْ يَلِدْ وَلَمْ يُولَدْ وَلَمْ يَكُن لَّهُ كُفُوًا أَحَدٌ
“Thuaj: “Ai është Allahu, Një dhe i Vetëm! Allahu është Absoluti, të Cilit i përgjërohet gjithçka në amshim. Ai as nuk lind, as nuk është i lindur. Dhe askush nuk është i barabartë (as i krahasueshëm) me Atë!” 3
Ai tha se Ai është Allahu, Një dhe i Pavarur nga krijesat, nga i Cili të gjithë varen. Pastaj Ai tha:
لَمْ يَلِدْ وَلَمْ يُولَدْ
”Ai as nuk lind, as nuk është i lindur.”
Ky është një detaj i veçantë që mohon lindjen për shkak të mangësive që ajo ka. Pastaj përgjithësoi Ai (te ala) duke thënë:
وَلَمْ يَكُن لَّهُ كُفُوًا أَحَدٌ
”Dhe askush nuk është i barabartë (as i krahasueshëm) me Atë!”
Ai gjithashtu tha:
لَيْسَ كَمِثْلِهِ شَيْءٌ
”Asgjë nuk i përngjason Atij.”
فَلاَ تَجْعَلُواْ لِلّهِ أَندَاداً وَأَنتُمْ تَعْلَمُونَ
”Pra mos i përshkruani Allahut shokë, duke qenë se ju e dini (që Ai nuk ka shokë).”
لَيْسَ كَمِثْلِهِ شَيْءٌ
”Asgjë nuk i përngjason Atij.”
1 El-Fatiha 1:6.
2 An-Nisa’ 4:69.
3 El-Ihlas 112:1-4.