Autor: Shejkhul Islam Ibnu Tejmijeh (v. 728)
Shpjegues i librit: Imam Abdul-Aziz bin Abdil-lah bin Baz (v. 1420)
Burimi: Sherh el-Akidah el-Uasitijeh, fq. 31-32
Përktheu: Valdet Gashi
www.perlatmuslimane.com
Shejkhul Islam Ibnu Tejmijeh (rahimehullah) ka thënë:
Allahu (azze ue xhel) ka thënë:
وَأَحْسِنُوَاْ إِنَّ اللّهَ يُحِبُّ الْمُحْسِنِينَ
”Dhe bëni mirë se me të vërtetë Allahu i do bamirësit.” 1
وَأَقْسِطُوا إِنَّ اللَّهَ يُحِبُّ الْمُقْسِطِينَ
”Atëherë me drejtësi bëni pajtimin ndërmjet tyre, mbani drejtësinë, se vërtet Allahu i do të drejtit.” 2
فَمَا اسْتَقَامُواْ لَكُمْ فَاسْتَقِيمُواْ لَهُمْ إِنَّ اللّهَ يُحِبُّ الْمُتَّقِينَ
”E derisa ata i përmbahen (marrëveshjes) përmbahuni edhe ju. Allahu i do ata që ruajnë besën.” 3
قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ
”Thuaj: ”Nëse e doni Allahun, atëherë ejani pas meje që Allahu t’ju dojë.” 4
يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ
”O ju që besuat! Kush largohet prej jush nga feja e vet (i bën dëm vetes) s’ka dyshim se Allahu do ta sjellë një popull që Ai e do atë (popull) dhe ata e duan Atë (Zotin).” 5
إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنيَانٌ مَّرْصُوصٌ
”Allahu i do ata që luftojnë në rrugën e Tij, të rreshtuar si të jenë ndërtesë e fortifikuar.” 6
وَهُوَ الْغَفُورُ الْوَدُودُ
”Ai është që falë mëkatet, është i Dashur.” 7
Shpjegimi
Në këto shumë ajete Allahu përmend cilësinë e vet të dashurisë dhe tregon se Ai do dhe e duan, i do ata që veprojnë të mirën dhe të saktën, të devotshmit dhe të drejtit. Ai (te ala) ka thënë:
يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ
”O ju që besuat! Kush largohet prej jush nga feja e vet (i bën dëm vetes) s’ka dyshim se Allahu do ta sjellë një popull që Ai e do atë (popull) dhe ata e duan Atë (Zotin).”
قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ
”Thuaj: ”Nëse e doni Allahun, atëherë ejani pas meje që Allahu t’ju dojë.”
Gjithashtu është edhe me mëshirën. Allahu është i Gjithëmëshirshëm dhe Mëshirëbërës. Mëshira e tij përfshin çdo gjë. Ai është Falës dhe i Dashur. I Dashur do të thotë që Ai edhe do edhe e duan Atë.
Allahu kënaqet dhe hidhërohet dhe urren:
رَّضِيَ اللّهُ عَنْهُمْ وَرَضُواْ عَنْهُ
”Allahu është i kënaqur me ta dhe ata janë të kënaqur ndaj Tij.” 8
أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِم
”A e dini për ata që kanë miqësuar një popull që Allahu është hidhëruar kundër tyre?” 9
ذَلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ
”E atë (dënim) për shkak se ata ndoqën rrugën të cilën Allahu është hidhëruar, kurse e urrejtën atë që Ai e pëlqen.” 10
وَلَكِن كَرِهَ اللّهُ انبِعَاثَهُمْ فَثَبَّطَهُمْ
”Por Allahu nuk e pëlqeu ngritjen e tyre, andaj i zbrapsi.” 11
Të gjitha këto cilësi janë të vërteta. Kënaqësia, dashuria, mëshira, hidhërimi dhe urrejtja janë të gjitha cilësi të vërteta me të cilat Allahu (xhela ue ala) përshkruhet. E njëjta gjë vlen për të gjitha cilësitë e tjera. Ato duhet të besohen ashtu siç i përkasin Allahut, pa shtrembërim, pa mohim, pa imagjinim ose pa krahasim. Dashuria e tij nuk është sikurse dashuria e krijesave. Kënaqësia e Tij nuk është sikurse kënaqësia e krijesave. Hidhërimi i Tij nuk është sikurse hidhërimi i krijesave. Urrejtja e Tij nuk është sikurse urrejtja e krijesave. Armiqësia e Tij nuk është sikurse armiqësia e krijesave. E njëjta gjë mund të thuhet edhe për të gjitha cilësitë e tjera. Parimi është i njëjtë. Allahu (te ala) ka thënë:
لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ
”Asgjë nuk i shëmbëllen Atij dhe Ai është Gjithëdëgjuesi, Gjithëshikuesi.” 12
وَلَمْ يَكُن لَّهُ كُفُوًا أَحَدٌ
“Dhe askush nuk është i barabartë (as i krahasueshëm) me Atë!” 13
فَلاَ تَضْرِبُواْ لِلّهِ الأَمْثَالَ
”Pra, mos i përshkruani Allahut shembuj!” 14
Ai nuk ka të barabartë dhe të ngjashëm. Prandaj mos i bëni Allahut krahasime. Të gjitha cilësitë duhet të besohen në këtë mënyrë.
1 El-Bekare 2:195.
2 El-Huxhurat 49:9.
3 Teube 9:7.
4 Al-Imran 3:31.
5 El-Maideh 5:54.
6 Es-Saff 61:4.
7 El-Buruxh 85:14.
8 El-Maideh 5:119.
9 El-Muxhadilah 58:14.
10 Muhammed 47:28.
11 Teube 9:46.
12 Esh-Shura 42:11.
13 El-Ihlas 112:4.
14 En-Nahl 16:74.