Imam Ebu Bekr Muhammed bin el-Husajn el-Axhurri (v. 360)
Një përmbledhje nga libri “esh-Shari’ah”
Përktheu: Valdet Gashi
www.perlatmuslimane.com
249 – Kjo është e detyrueshme për tu besuar. Nuk është e lejueshme për një musliman të mençur që të dyshojë në këtë. Vetëm Mutezilitë dyshojnë në këtë.
250 – Pasuesit e së vërtetës thonë se është e detyrueshme për të besuar në të, pa imagjinuar apo pa pyetur se si. Është transmetuar në të vërtetë se i dërguari i Allahut ﷺ ka thënë se Allahu zbret në qiellin e dunjasë çdo natë. Ata që na kanë transmetuar këto transmetime janë ata që kanë transmetuar për hallallin dhe haramin, namazin, zekatin, agjërimin, haxhin dhe xhihadin. Ashtu sikurse dijetarët i morën këto prej tyre, ata gjithashtu morën edhe transmetimet e tjera. Ata thanë:
“Ai që i refuzon ato është i devijuar dhe i keq.” Ata qëndrojnë larg prej tij dhe paralajmërojnë kundër tij.
251 – Abbad bin El-Euam ka thënë:
“Sherik erdhi tek ne në Uasit. Ne i thamë atij: “Ka nga ata prej nesh që i mohojnë hadithet: “Allahu (azze ue xhel) zbret në qiellin e dunjasë” dhe të ngjashme. Sherik tha: “Ata që kanë transmetuar këto hadithe nuk janë askush tjetër pos atyre që kanë transmetuar hadithet reth namazit, agjërimit, zekatit dhe haxhit. Ne e njohim Allahun (azze ue xhel) vetëm nëpërmjet këtyre haditheve.”
252 – Esh-Shafi ka thënë:
“Në lidhje me Sunnetin e të dërguarit ﷺ, është e detyrueshme për të pasuar atë në bazë të urdhërit të Allahut (azze ue xhel). Dyshimi në diçka me të cilën Sunneti ka ardhur është diçka që nuk është e lejueshme për një njeri të ditur – dhe Allahu e di më mirë.”
253 – Is’hak bin Mensur ka thënë:
“I thashë Ahmedit: “Allahu zbret në qiellin e dunjasë çdo natë kur të ketë mbetur një e treta e natës.” A nuk e pason këtë dhe hadithin që thotë se banorët e xhenetit do ta shohin Allahun?” Ahmedi tha: “Të gjitha ato janë autentike.” Is’haku ka thënë: “Të gjitha ato janë autentike dhe vetëm një bidatçi ose një njeri mendjelehtë i refuzon ato.”
254 – Ebu Hurejra (radijAllahu anhu) transmeton se i dërguari i Allahut ﷺ ka thënë:
”Zoti ynë zbret çdo natë në qiellin e dunjasë kur një e treta e natës mbetet dhe thotë: ”Kush më lutet që Unë t’i përgjigjem atij? Kush kërkon që Unë t’i jap? Kush më kërkon falje Mua që Unë ta fal atë?”
255 – Ez-Zuhri ka thënë:
“Ne kemi mësuar se të diturit e kishin zakon të thonin: “Shpëtimi është në pasimin e Sunnetit.”