Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

34.Afërsia e Allahut ndaj krijesave

Autor: Shejkhul Islam Ibnu Tejmijeh (v. 728)

Shpjegues i librit: Imam Abdul-Aziz bin Abdil-lah bin Baz (v. 1420)

Burimi: Sherh el-Akidah el-Uasitijeh, fq. 48-50

Përktheu: Valdet Gashi

www.perlatmuslimane.com

Shejkhul Islam Ibnu Tejmijeh (rahimehullah) thotë:

Allahu (te ala) ka thënë:

هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاء وَمَا يَعْرُجُ فِيهَا وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ

“Ai është që krijoi qiejt dhe tokën vetëm për gjashtë ditë dhe pastaj u ngrit mbi arsh. Ai e di çka futet në tokë dhe çka del prej saj, çka zbret nga qielli dhe çka ngrihet në të dhe Ai është me ju kudo që të jeni, Allahu është Gjithëvëzhgues për gjithçka që ju punoni.” 1

مَا يَكُونُ مِن نَّجْوَى ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَى مِن ذَلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ إِنَّ اللَّهَ بِكُلِّ شَيْءٍ عَلِيمٌ

 “Nuk bëhet bisedë e fshehtë mes tre vetave veçse Ai është i katërti; e as mes pesë vetave veçse Ai është i gjashti, e as mes më pak vetave dhe as mes më shumë vetave, e të mos jetë Ai me ta, kudo që të jenë. Pastaj Ai do t’i njoftojë ata në ditën e kijametit për gjithë ç’kanë bërë. Vërtet që Allahu është i Gjithëditur për çdo gjë.” 2

لاَ تَحْزَنْ إِنَّ اللّهَ مَعَنَا

“Mos u pikëllo (frikëso), Allahu është me ne!” 3

لَا تَخَافَا إِنَّنِي مَعَكُمَا أَسْمَعُ وَأَرَى

“Mos u frikësoni se Unë jam me ju, dëgjoj dhe shoh.” 4

إِنَّ اللّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ

“Ska dyshim se Allahu është me ata që i frikësohen Atij (duke i përmbushur detyrimet ndaj Tij) dhe me ata që janë bamirës.” 5

وَاصْبِرُواْ إِنَّ اللّهَ مَعَ الصَّابِرِينَ

 “Dhe bëhuni të durueshëm se Allahu me të vërtetë është me të durueshmit.” 6

كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللّهِ وَاللّهُ مَعَ الصَّابِرِينَ

“Sa e sa grupe të vogla me dëshirën e Allahut kanë triumfuar ndaj grupeve të mëdha”! Allahu është me durimtarët.” 7

Shpjegimi

Ajeti i fundit është në lidhje me afërsinë e veçantë dhe të përgjithshme. Allahu (te ala) ka thënë:

هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاء وَمَا يَعْرُجُ فِيهَا وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ

“Ai është që krijoi qiejt dhe tokën vetëm për gjashtë ditë dhe pastaj u ngritë mbi arsh. Ai e di çka futet në tokë dhe çka del prej saj, çka zbret nga qielli dhe çka ngrihet në të, dhe Ai është me ju kudo që të jeni, Allahu është Gjithëvëzhgues për gjithçka që ju punoni.”

Allahu (xhela ue ala) di çdo gjë që është në qiej dhe në tokë. Ai e di çka ka qenë dhe çfarë do të jetë. Ai di çdo gjë. Ai është me robërit e Tij kudo që janë, do të thotë me dijen e Tij, ndërsa Ai njëkohësisht është mbi arsh. Ai është me ta me dijen e Tij të gjerë të cilës asgjë nuk mund t’i shpëtojnë. Ai (te ala) ka thënë:

لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا

“Që ju ta dini se Allahu është i Fuqishëm për çdo gjë dhe se Ai përfshin gjithçka me diturinë e Tij.” 8

إِنَّ اللّهَ بِكُلِّ شَيْءٍ عَلِيمٌ

“Allahu është i Dijshëm për çdo gjë.” El-Enfal, 8:75

مَا يَكُونُ مِن نَّجْوَى ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَى مِن ذَلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ إِنَّ اللَّهَ بِكُلِّ شَيْءٍ عَلِيمٌ

“Nuk bëhet bisedë e fshehtë mes tre vetave veçse Ai është i katërti; e as mes pesë vetave veçse Ai është i gjashti, e as mes më pak vetave dhe as mes më shumë vetave, e të mos jetë Ai me ta, kudo që të jenë. Pastaj Ai do t’i njoftojë ata në ditën e kijametit për gjithë ç’kanë bërë. Vërtet që Allahu është i Gjithëditur për çdo gjë.”

Ai filloi ajetin me diturinë dhe e përfundon atë me diturinë, në mënyrë që lexuesi dhe dëgjuesi ta di e Ai po flet për dijen, se Allahu është mbi arsh dhe se asgjë nuk i fshihet Atij (xhela ue ala).

E njëjta gjë mund të thuhet në lidhje me afërsinë e veçantë:

لاَ تَحْزَنْ إِنَّ اللّهَ مَعَنَا

“Mos u pikëllo (friko), Allahu është me ne!”

Këtë ia tha profeti (salAllahu alejhi ue selem), Ebu Bekrit si-Sidikut (radijAllahu anhu) në shpellë. Allahu (te ala) i tha Musait dhe Harunit (salAllahu alejhime ue selem):

لَا تَخَافَا إِنَّنِي مَعَكُمَا أَسْمَعُ وَأَرَى

“Mos u frikësoni, se Unë jam me ju, dëgjoj dhe shoh.”

Allahu (te ala) ka thënë:

وَاصْبِرُواْ إِنَّ اللّهَ مَعَ الصَّابِرِينَ

 “Dhe bëhuni të durueshëm, se, Allahu, me të vërtetë, është me të durueshmit.”

كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللّهِ وَاللّهُ مَعَ الصَّابِرِينَ

“Sa e sa grupe të vogla me dëshirën e Allahut kanë triumfuar ndaj grupeve të mëdha”! Allahu është me durimtarët.”

Të gjitha këto ajete kanë të bëjnë me afërsinë e veçantë të Allahut ndaj eulijave të Tij, robërve besnik dhe të bindur dhe profetëve; Ai i përfshinë ata me dijen e Tij, i ndihmon ata dhe i mbështet ata.

Afërsia e përgjithshme përfshinë diturinë dhe përfshirjen e çdo gjëje, dhe se asgjë nuk është e fshehur për Allahun dhe se Ai drejton dhe mbikëqyrë krijesat.

Afërsia e veçantë është më tepër se e përgjithshme, ajo është me dije dhe mbështetje dhe mbrojtje për eulijatë e Allahut, siç tregojnë ajete:

لاَ تَحْزَنْ إِنَّ اللّهَ مَعَنَا

“Mos u pikëllo (frikëso), Allahu është me ne!”

لَا تَخَافَا إِنَّنِي مَعَكُمَا أَسْمَعُ وَأَرَى

“Mos u frikësoni, se Unë (me ndihmën Time) jam me ju, dëgjoj dhe shoh.”

Këtë Allahu ia tha Musait dhe Harunit kur ata qëndronin para Faraonit. Allahu i mbrojti ata ndaj sherrit të tij.

Allahu është (me dijen e Tij) me të gjithë robërit e Tij. Asgjë që ata bëjnë nuk është e fshehur prej Tij. Njëkohësisht Ai është mbi arsh. Dija e tij përfshinë çdo gjë. Ai e di dhe e sheh një milingonë të zezë mbi një gur të zi në mes të natës. Ai e di se si uji rrjedh dhe pluskon në lumenj dhe dete. Ai e di se çfarë ujërat mbajnë. Ai e di çdo gjë që ndodhë në botë. Ai e di se çfarë shpirtrat fshehin. Asgjë nuk është e fshehur prej Allahut (subhanehu ue te ala):

وَمَا تَكُونُ فِي شَأْنٍ وَمَا تَتْلُو مِنْهُ مِن قُرْآنٍ وَلاَ تَعْمَلُونَ مِنْ عَمَلٍ إِلاَّ كُنَّا عَلَيْكُمْ شُهُودًا إِذْ تُفِيضُونَ فِيهِ

“Në çfarëdo pune që të jesh, çfarëdo gjëje që të lexosh nga Kurani dhe çfarëdo pune që të bëni (o njerëz), Ne jemi dëshmitarë, kur ju të thelloheni në të.” 10

إِنَّ اللَّهَ عَلَى كُلِّ شَيْءٍ شَهِيدٌ

“Allahu di dhe vështron çdo gjë.” 11

لِتَعْلَمُوا أَنَّ اللَّهَ عَلَى كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا

“Për ta ditur ju se Allahu ka fuqi për çdo send dhe që me të vërtetë Allahu ka përfshirë çdo gjë me dijen e Tij.”

إِنَّ اللّهَ بِكُلِّ شَيْءٍ عَلِيمٌ

Allahu di çdo gjë.”

وَمَا تَحْمِلُ مِنْ أُنثَى وَلَا تَضَعُ إِلَّا بِعِلْمِهِ

“Dhe asnjë femër nuk ndjen barrë dhe nuk lind veçse me Gjithëdijen e Tij.” 12

Dija e Tij gjithë-përfshinë rrethon tërë krijesat. Dija e Tij e veçantë është me robërit e Tij besnik. Ai e di gjendjen e robërve të Tij besnik dhe Ai e di gjendjen e umetit. Ai e di se çfarë do të ndodhë para Ditës së Gjykimit dhe në Ditën e Gjykimit. Ai e di se çfarë ka qenë. Asgjë nuk është e fshehur prej Tij. Ai di çdo gjë dhe përfshinë çdo gjë. Kjo është e detyrueshme për të pohuar dhe në të njëjtën kohë duhet besuar se Ai nuk i ngjason krijesave të Tij në asnjë mënyrë. Ky është besimi i Ehl-us-Sunnetit dhe Xhematit.


1 El-Hadid 57:4.

2 El-Muxhadilah 58:7.

3 Teube 9:40.

4 Ta Ha 20:46.

5 En-Nahl 16:128.

6 El-Enfal 8:46.

7 El-Bekare 2:249.

8 Et-Talak 65:12.

9 El-Enfal 8:75.

10 Junus 10:61.

11 Haxh 22:17.

12 El-Fatir 35:11.

Shpërndaje: