“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

5.Të kuptuarit e reduktuar të Kaderive lidhur me sundimin

Imam Muhammed bin Salih bin Uthejmin (v. 1421)

Burimi: el-Kada uel-Kadar, nga libri Mexhmu-ul-Fataua (5/219-220)

Përktheu: Valdet Gashi www.perlatmuslimane.com

Sa i përket mendimit të dytë edhe ai refuzohet me anë të provave të qarta dhe logjikës; sepse tekstet janë të qarta se vullneti i njeriut i nënshtrohet vullnetit të Allahut (azze ue xhel).

Allahu (te ala) ka thënë:

إِنْ هُوَ إِلَّا ذِكْرٌ لِّلْعَالَمِينَ لِمَن شَاء مِنكُمْ أَن يَسْتَقِيمَ وَمَا تَشَاؤُونَ إِلَّا أَن يَشَاء اللَّهُ رَبُّ الْعَالَمِينَ

”Ai (Kurani) s’është tjetër pos këshillë për njerëzit! Për atë që dëshiron të gjendet në të vërtetën, e ju nuk mund të dëshironi (të drejtën), përveç atëherë kur dëshiron Allahu, Zoti i botëve!” 1

وَرَبُّكَ يَخْلُقُ مَا يَشَاء وَيَخْتَارُ مَا كَانَ لَهُمُ الْخِيَرَةُ

”Dhe, Zoti yt krijon ç’të dojë dhe Ai zgjedh më të mirën për ta.” 2

وَاللّهُ يَدْعُو إِلَى دَارِ السَّلاَمِ وَيَهْدِي مَن يَشَاء إِلَى صِرَاطٍ مُّسْتَقِيمٍ

”Allahu i thërret njerëzit në shtëpinë e shpëtimit (xhenetit) dhe Ai e udhëzon kë të dojë në rrugën e drejtë.” 3

Ata që e kanë këtë mendim, në fakt mohojnë një nga aspektet e Teuhidit Rububijeh. Ata gjithashtu pretendojnë se ka gjëra në sundimin e Allahut (te ala) të cilat nuk janë në vullnetin dhe krijimin e Tij. Kurse çdo gjë që ekziston është në vullnetin e Allahut, në fuqinë e Tij. Përveç kësaj ata e kundërshtojnë atë që është e njohur përgjithësisht se i tërë krijimi i përket Allahut (azze ue xhel). Çdo gjë është pikërisht e Allahut (azze ue xhel). Është e pamundur që diçka të ekzistoj në sundimin e Tij (tebarak ue te ala) nëse Ai nuk dëshiron që ajo të ekzistojë.


1 81:27-29

2 28:68

3 10:25

Shpërndaje: