Imam Muhammed el-Amin esh-Shenkiti (v. 1393)
Burimi: Islami është feja e përsosur
Përktheu: ValdetGashi
www.perlatmuslimane.com
Kurani i lartësuar ka sqaruar se një vepër e mirë është ajo që plotëson tre kushte. Dhe nëse një prej tyre nuk realizohet, praktikuesi i saj nuk do të ketë ndonjë dobi prej saj në Ditën e Gjykimit:
E para: Që veprimi të jetë në përputhje me atë që profeti ﷺ solli1.
Allahu (te ala) thotë:
”“Çfarëdo që t’ju japë i dërguari, merreni atë, e çfarëdo që t’ju ndalojë, hiqni dorë prej saj.” El-Hashr, 59:7
”Kush i bindet profetit, ai i është bindur Allahut.” 3
”Thuaj: ”Nëse e doni Allahun, atëherë më pasoni mua që Allahu t’ju dojë.” 4
”A mos kanë ata ortakë (të adhuruar), që u përcaktuan atyre fe, të cilën nuk e urdhëroi Allahu?” 5
”Thuaju: “Më thoni, çfarë të mirash ju ka zbritur juve Allahu! Dhe ju vetë i keni bërë ato të ligjshme e të paligjshme.” Thuaju: “A ju ka lejuar Allahu të bëni kështu apo ju shpifni gënjeshtër ndaj Allahut?” 6
E dyta: Që adhurimi t’i kushtohet sinqerisht Allahut (te ala).
Ai (te ala) tha:
”E duke qenë se ata nuk ishin të urdhëruar me tjetër pos që ta adhuronin Allahun me një adhurim të sinqertë ndaj Tij.” 7
”Thuaj (O Muhammed): “Me të vërtetë që jam urdhëruar të adhuroj Allahun (Një e të Vetëm) duke plotësuar detyrat e fesë së Tij me çiltësi e përkushtim vetëm për hir të Tij. Dhe jam urdhëruar që të jam i pari i muslimanëve (i të nënshtruarve ndaj Vullnetit të Allahut)! Thuaj: ”Me të vërtetë që kam frikë ndëshkimin e një dite të madhe nëse nuk i bindem Zotit tim.” Thuaj: ”Vetëm Allahun unë e adhuroj, duke plotësuar detyrat e fesë së Tij me çiltërsi e përkushtim vetëm për hir të Tij.” Ndërsa ju adhuroni ç’të doni në vend të Tij.” 8
E treta: Që ajo të jetë e ndërtuar në besimin e drejtë sepse vepra është si një çati dhe besimi është si një themel.
Ai (te ala) ka thënë:
”Dhe kushdo që bën vepra të drejta e punë të mira, mashkull apo femër qoftë dhe është besimtar.” 9
Ai e kufizoi me:
”… dhe është besimtarë…”
Në anën tjetër, Ai tha në lidhje me kafirin:
”Dhe Ne do t’i kthehemi çfarëdo lloj pune që bënë ata (kufarët) dhe do t’i bëjmë veprat e tilla si grimca pluhuri që fluturojnë në erë.” 10
”Të këtillët janë ata për të cilët nuk ka asgjë në jetën e përtejme veç zjarrit. Kështu veprat e tyre që i kryen atje (në dunja) janë pa asnjë dobi dhe pa asnjë përfundim është gjithë ajo që ata punuan.” 11
1 Bukhari (3/167) dhe Muslimi (3/1343).
3 4:80.
4 3:31.
5 42:21.
6 10:59
7 98:5.
8 39:11-15.
9 4:124.
10 25:23.
11 11:16.