Autor: Imam Muhammed bin Abdul-Uehab (v. 1206)
Shpjegues i librit: Imam Abdul-Aziz bin Abdullah bin Baz (v. 1420)
Sherh Kitab-it-Teuhid, fq. 180
Përktheu: Valdet Gashi
Shejkh-ul-Islam Muhammed bin Abdul-Uehab -rahimehullah- ka thënë:
1 – Xhubejr bin Mutim -radijAllahu anhu- ka thënë:
”Një beduin erdhi te profeti ﷺ dhe i tha: ”O i dërguari i Allahut! Njerëzit po shkatërrohen, fëmijët i ka kapluar uria, pasuritë po zhduken dhe bagëtitë po na shuhen, prandaj kërkoji Zotit tënd të na sjellë shi. I kërkojmë Allahut të ndërmjetësojë tek ti, dhe të kërkojmë ty të ndërmjetësosh tek Allahu.
Profeti ﷺ tha: ‘Subhan-Allah, Subhan-Allah!’ Vazhdoi të thoshte ‘Subhan-Allah’ derisa efekti i saj ishte i dukshëm në fytyrat e shokëve të tij.
Pastaj tha: ‘I mjeri ti! A e di kush është Allahu? Madhështia e Allahut është më e madhe se aq! Me të vërtetë pozita e Allahut është më e madhe. Nuk i kërkohet Allahut që të ndërmjetësojë tek asnjë nga krijesat e Tij.”
Transmeton Ebu Daudi (4726) dhe Tabarani në ”el-Mu’xhem el-Kebir (1547)”. I dobët sipas el-Albanit në ”Da’if Sunen Ebi Daud (1017)”, i mirë sipas Ibnul-Kajimit në “Mukhtasar-us Saua’ik el-Murseleh (3/1068)”.
Shpjegimi:
Autori përmendi këtë kapitull sepse bëhet fjalë për plotësimin e teuhidit dhe besimit. Kjo që është përmendur në hadith shpie në idhujtari, e cila është që t’i kërkosh Allahut që të ndërmjetësojë tek krijesat e Tij. Allahu është më Madhështorë se kaq. Pra nuk duhet t’i kërkohet Allahut që të ndërmjetësojë tek krijesat e Tij, nuk thuhet:
”I lutem Allahut që të ndërmjetësojë tek ti.”
I kërkohet njeriut që të ndërmjetësojë tek njeriu duke thënë:
”I lutem filanit dhe filanit që të ndërmjetësojë për ty (për ato gjëra që ka mundësi).”
Kjo është e padëmshme ndryshe nga ajo që t’i kërkohet Allahut që të ndërmjetësojë. Kjo nuk lejohet sepse Allahu është më i Fortë se kaq. Dhe në këtë rast ai për të cilin bëhet ndërmjetësimi është më i madh se vetë Ndërmjetësuesi (Allahu). Diçka e tillë nuk i përket Allahut i Cili është më i Madh se çdo gjë tjetër. Allahut duhet t’i lutemi me anë të emrave dhe cilësive të Tij.
1 – Xhubejr bin Mutim -radijAllahu anhu- ka thënë:
Një beduin erdhi te profeti ﷺ dhe i tha: ”O i dërguari i Allahut! Njerëzit po shkatërrohen, fëmijët i ka kapluar uria, pasuritë po zhduken dhe bagëtitë po na shuhen, prandaj kërkoji Zotit tënd të na sjellë shi. I kërkojmë Allahut të ndërmjetësojë tek ti, dhe të kërkojmë ty të ndërmjetësosh tek Allahu.
Profeti ﷺ tha: ‘Subhan-Allah, Subhan-Allah!’ Vazhdoi të thoshte ‘Subhan-Allah’ derisa efekti i saj ishte i dukshëm në fytyrat e shokëve të tij.
Pastaj tha: ‘I mjeri ti! A e di kush është Allahu? Madhështia e Allahut është më e madhe se aq! Me të vërtetë pozita e Allahut është më e madhe. Nuk i kërkohet Allahut që të ndërmjetësojë tek asnjë nga krijesat e Tij.”
Profeti ﷺ tha: ”Subhan Allah”, këtë e thoshte në lidhje me ngjarje të mëdha, pozitive apo negative dhe të habitshme apo gjatë incidenteve të qortuara. Ka shumë shembuj të kësaj, siç është hadithi: “Dhatu Enuat”, hadithi: “Ky umet janë gjysma e banorëve të xhenetit” dhe hadithe të tjera.