Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

9.Dhikri gjatë daljes nga shtëpia

Shejkhul Islam Ibnu Tejmijeh (v. 728)
Sahihul-Kelimit-Tajjib
Verifikoi dhe korrigjoi: Imam Muhamed Nasirudin el-Albani
Përktheu: Valdet Gashi
www.perlatmuslimane.com

44 – Enesi (radijAllahu anhu) ka thënë se i dërguari i Allahut ka thënë:

مَنْ قَالَ حِينَ يَخْرُجُ مِنْ مَنْزِلِهِ: بِسْمِ اللهِ تَوَكَّلْتُ عَلى اللهِ وَلاَ حَوْلَ وَلاَ قُوَّةَ إِلاَّ باللهِ تَعَالى يُقَالُ لَهُ حِينئِذٍ كُفِيتَ وَوُقِيتَ وَهُدِيتَ وَيَتَنَحَّى عنْهُ الشَّيْطَانُ فَيَقُولُ لِشَيْطَانٍ آخَرَ: كَيْفَ لَكَ بِرَجُلٍ قَدْ هُدِيَ وَكُفِي وَوُقِيَ

“Kushdo që thotë kur del nga shtëpia: “Me emrin e Allahut. Tek Allahu mbështetem. Nuk ka asnjë lëvizje apo forcë përveçse me dëshirën e Allahut”, i thuhet atij: “U mjaftove, u mbrojte dhe u udhëzove.” Shejtani do të largohet prej tij, e do t’i thotë një shejtani tjetër: “Çfarë do të bësh me një njeri i cili është udhëzuar, është mjaftuar dhe është mbrojtur?!”

Transmetuar nga Ebu Daudi, Nesai dhe Tirmidhi i cili tha: “Hadithi është i mirë dhe autentik.”

45 – Um Selemeh (radijAllahu anha) ka thënë:

ما خَرَجَ رسول الله، صلى الله عليه وسلم، مِنْ بَيْتِي قط إِلاَّ رَفَعَ طَرْفَهُ إِلى السَّمَاءِ وقَالَ اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ أَو أَزِلَّ أَوْ أُزَلَّ أَوْ أَظْلِمَ أَو أُظْلَمَ أَوْ أَجْهَلَ أَوْ يُجْهَلَ عَليَّ

“I dërguari i Allahut ﷺ kurrë nuk ka dalë nga shtëpia e tij asnjëherë, vetëm se e ngrinte shikimin në qiell dhe thoshte: “O Allahu! Unë kërkoj mbrojtjen Tënde që mos të lajthitem dhe t’i lajthis të tjerët, mos të rrëshqas nga e vërteta dhe mos t’i bëj të tjerët që të rrëshqasin nga ajo, mos t’i bëj padrejtësi dikujt dhe mos të më bëjë dikush padrejtësi mua, mos t’i trajtoj të tjerët me mos respekt dhe të mos më trajtojnë mua me mos respekt!”

Transmetuar nga të katërt.

Tirmidhi ka thënë: “Hadithi është i mirë dhe autentik.” 1


1 Është e saktë. Sidoqoftë, fraza rreth shikimit të ngritur drejt qiellit është shad. Shikoni “es-Sahihah” (3193).

Shpërndaje: