“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Dy takimet e njeriut me Allahun

Imam Muhammed bin Salih bin Uthejmin (vdiq. 1421)

Burimi: El-Kaulul Mufijd (2/127)

Përktheu: Valdet Gashi

www.perlatmuslimane.com

Allahu i Lartësuar ka thënë:

فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا

Thuaj: ”Unë jam vetëm njeri sikurse edhe ju, mua më shpallet se i Adhuruari i juaj është i Adhuruari i Vetëm (i vërtetë), e kush është që e shpreson takimin e Zotit të vet, le të bëjë vepër të mirë, e në adhurimin ndaj Zotit të tij të mos e përziejë askënd.” 1

Takimi i përmendur këtu është takimi i veçantë, gjithsesi, takimet janë dy.

1 – Një i përgjithshëm për çdo njeri.

Allahu i Lartësuar ka thënë:

يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ

”O ti njeri, vërtet ti përpiqesh me një përpjekje të madhe që çon te Zoti yt, e atë (përpjekje) do ta gjesh.” 2

Më pas Allahu menjëherë thotë:

يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ فَأَمَّا مَنْ أُوتِيَ كِتَابَهُ بِيَمِينِهِ فَسَوْفَ يُحَاسَبُ حِسَابًا يَسِيرًا وَيَنقَلِبُ إِلَى أَهْلِهِ مَسْرُورًا مَّا مَنْ أُوتِيَ كِتَابَهُ وَرَاء ظَهْرِهِ

”E përsa i përket atij që libri i vet i jepet nga e djathta, Ai do të llogaritet me një llogari të lehtë, Do të kthehet te familja e vet i gëzuar. E përsa i përket atij që libri i vet i jepet pas shpinës.” 3

2 – Një takim i veçantë për besimtarët.

Ky takim përbëhet nga kënaqësia dhe lumturia e cila shfaqet në këtë ajet. Përveç kësaj, takimi përbëhet edhe nga shikimi i Allahut të Lartësuar, gjë të cilën e kanë përmendur disa prej dijetarëve.


1 El-Kehf 18:110

2 El-Inshikak 84:6

3 El-Inshikak 84:7-10

Shpërndaje: