Komisioni i Përhershëm për Kërkime Shkencore dhe Fetva
Burimi: Fetvaja nr. 5733/2.
Përktheu: Valdet Gashi
www.perlatmuslimane.com
Pyetje: Cili është kuptimi i hadithit të dërguarit të Allahut ﷺ:
يضحك الله من رجلين يقتل أحدهما الآخر كلاهما يدخل الجنة
“Allahu qesh me dy persona: njëri prej tyre e vret tjetrin dhe që të dy do të hyjnë në xhenet”?”
Përgjigje: Formulimi i hadithit është në këtë mënyrë:
يضحك الله إلى رجلين يقتل أحدهما الآخر كلاهما يدخل الجنة، يقاتل هذا في سبيل الله فيقتل ثم يتوب الله على القاتل فيستشهد
“Allahu qesh me dy persona: njëri prej tyre e vret tjetrin dhe që të dy do të hyjnë në xhenet. I pari prej tyre lufton për hir të Allahut dhe vritet (nga i dyti). Pastaj Allahu ia fal mëkatin vrasësit (v.p.: sepse ai pendohet), lufton për hir të Allahut dhe bjen shehid.”
Ky hadith është argument se Allahu ka cilësinë e “të qeshurit”, ashtu siç i përket Lartmadhërisë së Tij. Ai nuk i ngjason krijesave të Tij në asgjë, ashtu siç ka thënë Ai:
لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ
”Asgjë nuk i shëmbëllen Atij dhe Ai është Gjithëdëgjuesi, Gjithëshikuesi.” 42:11