Imam Uthman bin Said ed-Darimi (v. 280)
Burimi: Nakdhu Uthman bin Said ala el-Marisi el-Xhehmi el-Anid, fq. 71-82
Përltheu: Valdet Gashi
Allahu (te ala) ka thënë:
مَا مَنَعَكَ أَن تَسْجُدَ لِمَا خَلَقْتُ بِيَدَيَّ
(Allahu) Tha: “O Iblis! Ç’të ndaloi ty që t’i mos i biesh në sexhde atij të cilin Unë e krijova me dy duart e Mia?” 1
بَلْ يَدَاهُ مَبْسُوطَتَانِ
”Përkundrazi, të dy duart e Tij janë gjerësisht të shtrira.”2
يَدُ اللَّهِ فَوْقَ أَيْدِيهِمْ
”Dora e Allahut është mbi duart e tyre.” 3
بِيَدِكَ الْخَيْرُ
”Çdo e mirë është në dorën Tënde.” 4
إِنَّ الْفَضْلَ بِيَدِ اللّهِ
””E tërë mirësia është në dorë të Allahut.” 5
تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ
”I Lartësuar me Madhështi qoftë Ai, në dorë të të Cilit është mbisundimi dhe Ai është i Zoti për të bërë çdo gjë.” 6
A është e lejueshme që të gjitha ato që përmendëm më lartë të interpretohen si furnizim, në mënyrë që ti po thua se mirësia është në furnizimin e Tij, dhurimet e mëshirushme të Tij janë në furnizimin e Tij, dhe sundimi i Tij është në furnizimin e Tij?
Profeti ﷺ ka thënë:
”Në Ditën e Gjykimit ata të drejtit do të jetë në karrige të ndritshme në të djathtë të dorës së Mëshirshmit azze ue xhel dhe të dyja duart e Tij janë të djathta.” 7
Sipas teje, el-Marisi, a do të thotë se ata do të jenë në karrige të dritës në të djathtën e furnizimit të Mëshirshmit dhe të dy furnizimet e Tij janë të djathta?
I dërguari i Allahut ﷺ ka thënë:
”I Plotfuqishmi do ti ketë qiejt e Tij dhe tokat e Tij në duart e Tij, do ti lidhi ato, do ti shtrirjë ato dhe do të thotë: ”Unë jam Mbreti! Unë jam i Plotfuqishmi! Ku janë ata të fuqishmit? Ku janë ata arrogantët?”8
O el-Marisi! A është e lejueshme të komentohet hadithi në kuptimin që Allahu i merr qiejt e Tij dhe tokat e Tij në furnizimet e Tij që janë bujare dhe të shtrënguara?
Profeti ﷺ ka thënë:
”Betohem në Atë në dorën e të Cilit është shpirti im!”9
Profeti ﷺ ka thënë:
”Musai e takoi Ademin dhe i tha: ”A je ti të cilin Allahu e ka krijuar me dy duart e Tij?”
O el-Marisi! A është e lejueshme që ta komentosh hadithin në kuptimin që Musa ﷺ i tha Ademitﷺ që Allahu e ka krijuar atë me furnizimin e Tij të ligjshëm apo me furnizimin e Tij jo të ligjshëm?
1 38:75
2 5:64
3 48:10
4 3:26
5 3:73
6 67:1
7 Muslimi, Ahmedi, Nesai, el-Axhuri dhe el-Bejhaki.
8 Muslimi (2149).
9 Muslimi (94).