“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

95.Varri duhet të motivojë në adhurim dhe në vepra të mira

Imam Muhammed bin Muhammed el-Hanbeli el-Menbaxhi 

Burimi: Teslijetu Ehlil-Mesaib fq. 205

Përgatiti: www.perlatmuslimane.com

Nëse robi reflekton me të kuptuarit e tij, dhe e di se do të futet në këtë gropë dhe do t’i jepet ajo që ai ka punuar duhet t’i kushtojë rëndësi adhurimit dhe të bëj shumë vepra të mira. Ai duhet të dijë se veprimet e tij do ti paraqiten të afërmëve të tij të vdekur.

Ebu Derda e kishte zakon të thoshte:

”O Allah! Më ruaj nga një vepër me të cilën unë do të turpërohem tek Abdullah bin Rauahah.”

Ne kërkojmë Allahut të na ruaj nga poshtërimi para të afërmve tanë të devotshëm dhe të mirë. Ne kërkojmë nga Allahu të na ruaj nga ekspozimi kur ne qëndrojmë para më të Drejtit prej të drejtëve e para të gjithë krijesave. E lusim Allahun që të na shpie në atë që Ai e do dhe kënaqet.

Muxhahidi ka thënë:

”Besimtari merr myzhde për drejtësinë e djalit të tij pas vdekjes së tij në mënyrë që ai të gëzohet.”

 

Shpërndaje:

Dela på facebook
Dela på whatsapp
Dela på telegram