Autor: Imam Muhamed bin Abdil-Uehab (v. 1206)
Shpjegues i librit: Imam Muhamed bin Salih bin Uthejmin (v. 1421)
Sherh Kefsh-ish-Shubahat
Përktheu: Valdet Gashi
www.perlatmuslimane.com
E para është gëzimi për mirësinë dhe mëshirën e Allahut.
Allahu (te ala) ka thënë:
”Thuaj: “Vetëm mirësisë së Allahut dhe mëshirës së Tij le t’i gëzohen, se është shumë më e dobishme se ajo që grumbullojnë ata.” (10:58)
Shpjegimi
Kjo ndodhë nga dy aspekte:
Aspekti i parë: Allahu (Te ala), të ka dhënë sukses në mënyrë që ti të mund ta kuptosh kuptimin e saktë të fjalës “La ilahe ilAllah- nuk meriton të adhurohet me të drejtë askush përveç Allahut”. Kjo i përket mirësisë dhe mëshirës së Allahut. Allahu ka urdhëruar që të gëzohemi për mirësitë e Tij. Argument për këtë është se autori (rahimehullah) përmendi:
”Thuaj: “Vetëm mirësisë së Allahut dhe mëshirës së Tij le t’i gëzohen, se është shumë më e dobishme se ajo që grumbullojnë ata.” (10:58)
Gëzimi i robit për dijen dhe adhurimin që Allahu ia ka dhuruar atij, është një nga cilësitë e lavdërueshme. Në hadith thuhet:
“Agjëruesi gëzohet dy herë; kur ai e përfundon agjërimin dhe kur të takohet me Zotin e tij.”1
1 Bukhari (1904) dhe Muslimi (165).